Oawer miej zölm
Ik bin e-trouwd met Susan en wiej wont met oonze dree keender in ’t röstige Twentse doarp Hoksebargen. Ik bin naâ gek op oons Hollaandse laandskap en kuier doar geern roond.
Twente is netuurlik et allermeuist, mer ok de netuur van de Friese Meeren en de Wadden bint veur miej de meuite van et bekieken weerd. Netuurlik mu’k good fit bliewen. Doarumme doô’k mangs ok nog wat an harre loopen. Mer dat mog van Susan nog bes wat meer wean….
Et is mien lust en mien leawen um met meenschen te disseln oawer eer pesjoen. Alman hef ’n eagen idee oawer eer pesjoen, of hef d’r nog heelmoal nooit oawer noa e-dach. Wil ik wa met pesjoen? Of kaan’k nog ’n tiedke deurwarken? Mer, wat gebuurt d’r a’k veur mien pesjoen oet de tied kom?
En d’r bint ok leu dee deenkt: ach, et is nog zoo wied vot, da koomp wa terechte…… nitwoar? Ik mag lien dat alman ’n good pesjoen krig, mer dan mu’j toôverdan wal wat doôn. Iej wilt toch nit dat ‘Den Haag’ oe veurskrif wanneer a’j met pesjoen goat? Dat bepoalt wiej heelmoal zölm. Mer dan mu’j wal inzich en vastigheajd hemm’. En doar heelp ik oe geern biej!
Hoe goa’w et doôn?
In elk geval nit te meuilik. In ’n eersen gemeudelike kuierieje besprekt wiej met nen kom koffie oew vroagstuk. Wiej koomt tot de belangriekste vroage en wiej sprekt of hoe of ik dat veur oe goa oetwarken. En dat doô’k op de Twentse wieze: gewoon de haânen oet de möuwe, met de beajde beene op de groond en met ’n bulte gezoond boerenverstaand. En as et neudig is, zet ik biej de oetwarking ok de voolgende stappen of aandre belangrieke andachspeunten.
Ik wil mer zeggen: et maaken van goeie keuze was nog nooit zoo seempel!
Hoe heelp ik oe doarbiej?
Alns beskriewen
Oetpluurn
Oetwarken
