Pesjoenadvies veur oondernemmers
De tied mö’j biej ’n toef griepen, nit biej ’t gat!
As oondernemmer waark-ie oe te bassen in oew eagen bedrief. Iej bint gedreewen, en goat veur oew klaanten tot an ’t gäetke en iej geneet van oew oondernemmersvriejheajd.
Nen gezoonde finansjeele hoeshoalding hört doar ok biej. Mer d’r koomp ok nen dag da’j oew jäeske an ’n kapstok haangt en dat et mooi is e-wes. Dan is et merakels belangriek da’j wat geeld achter de haânen hebt um oew inkommen vanoet de oawerheajd (AOW) an te vullen.
He’j doar a wal es oawer noa e-dach? Of is oew bedrief ok geliek oew pesjoen? Dan mu’j nog wal wat te verkoopen hemm’. Loch (en dan ’t leewst skone loch) is merakels belangriek, mer doar kö’w allenig nit van roondkommen. Iej as oondernemmer hebt genog meuglikheeden um doar wat an te doôn. En ook doar heelpt et Twents Pensioenbureau oe geern biej.
Deur middel van het ‘3-stappen-plan Oawerzich – Inzich – Vastigheajd’ heelpt et Twents Pensioenbureau oe um wat goods oet te kiezen. Zoo da’j könt geneeten van nen finansjeel gezoonden oalen dag. Miej duch, dat he’j zoo heanig an toch wa verdeend? Of-nit-dan?
En dan hoalt wiej ok rekkening met aandre vuurvallen, zoo as de gevolgen veur oew partner en/of keender, a’j oet de tied zollen kommen. Want oawer dat soort zaaken wödt veur ’t gemak nog wal es hen e-kekken……
Woarveur kö’j as oondernemmer biej et Twents Pensioenbureau terech?
- Advies biej de opzet van nen oaledagsveurzeening veur oew zölm (IB-oondernemmer of Dirrekteur Grootandeelhoalder)
- Advies biej de opzet van ’n oawerliedensveurzeening (veur de partner, keender of kompanjon)
- ‘Second opinion’ van de bestoande reegeling
- Echskaejding en pesjoen
- Inzich in oew bestoande pesjoen- en oawerliedens-situaasie.
Elken pot haank an zien eagen heanksel
Et Twents Pensioenbureau hef ingaank tot ’n stark netwark van spesjalisten: rechsgeleerden, rekkenmeisters, actuariële roadgeewers en aandre professionals, dee at onmeunig völ wett van pesjoen en alns wat doar varders met te maaken hef. Oonder ’t motto ‘elk meensch hef zien eagen talenten en beparkingen’ bi’w aajt op zeuk noar saam’warking, met an ’t ean mer één dool: oe as klaant heelpen biej ’t oplössen van oew vroagstuk.