Pesjoenkommunikaasie veur prefessionals
Elken pot haank an zien eagen heanksel
Bin ie prefessioneel adveseur veur oondernemmers en/of warkgeewers? Kriej van eer vroagen oawer oonderwarpen dee at met pesjoen te maaken hebt? Of wi’j zölm geern meer wetten oawer bepoalde pesjoen-oonderwarpen? Zeuk-ie hierveur eene den hieroawer met oe kan disseln?
Et Twents Pensioenbureau kan oe doarbiej van deens ween. Nöast völ kentnisse oonderhoaldt wiej ok ’n groot en stark netwark met aandre pesjoenspesjalisten.
Iej könt veur oew klaanten nog meer beteeken’ a’j biej pesjoenvroagstukke könt deurverwiezen noar de juuste ‘sparringpartner’. Of oen klaanten duudlike kommunikaasie geewen oawer pesjoenen, woarbiej de kunnigheajd met oew klaanten vanzölfsprekkend nit vergetten wödt.
Et Twents Pensioenbureau kan oe verskilnde möglikheeden been’ um hier invulling an te geewen. En dat is veur oe zölm tegelieke nen verdeeping en verbreeding van oew kentnisse oawer pesjoenen.
Wiej neugt oe biej veurbaat um de ‘blogs’ op disse webstie en op LinkedIn en Facebook-pagina’s van et Twents Pensioenbureau te volgen en te deelen. Et kost wat tied, mer leewert aajt wat op!
Et Twents Pensioenbureau warkt reegelmoatig veur:
- Akountants
- Assurantie intermediairs
- HRM-adveseurs
- Oondernemmingsroaden
- Avekoaten