Pesjoenadvies veur warknemmers

Wonneer wi’k met pesjoen? He’k dan genog te verteeren? En hoe geet dat dan a’k oet de tied kom? Wat blif d’r dan oawer veur mien partner en oonze keender?
Zoo mer wat vroagen oet et leawen van alledag. En dat kleenkt oe vertrouwd in de oorn. Vaake is d’r vanoet de oawerheajd of deur oew warkgeewer wal et een en aander e-reegeld. Mer dat is niks vanzölfsprekkends!

Mer boeten dat: zee verwocht van oe da’j op tied en plaatse bepoalde keuzes maakt.
Mer hoe doô’j det dan? Et Twents Pensioenbureau is geern oew steun en toôverloat um oe te heelpen biej ’t maaken van dee keuzes. En dat doô’w met ‘n ‘stappenplan’: Oawerzich – inzich – vastigheajd.

He’j deel e-nömmen in meer dan één pesjoenreegeling? Da’s ok gin prebleem. Et Twents Pensioenbureau zet et almoal seempel en kloar veur oe op pepier.

Mer wiej geewt ok nog advies as et geet um besundere situaasies:

• Ankoop van pesjoen vanoet nen premiereegeling (advies biej ’t zeuken en al dan nit verdan   beleggen noa de pesjoendoatum)
• Echskeajding en pesjoen
• Weerde-oawerdrach van pesjoen(en)
• Pesjoen oetstellen of vervroggen
• Deeltiedpesjoen
• Umtoesken van pesjoen (partnerpesjoen umtoesken veur ekstra oalderdomspesjoen of aandersum)
• Pesjoen biej oontslag (al dan nit vriejwillig deurgoan tiedens de ww-tied)